Whakaritenga o te whakamahinga

E pōwhiritia ana e Te Puna Mātauranga o Aotearoa ngā manuhiri huri noa i Aotearoa, puta noa i te ao kia whakamahia mai āna pae tukutuku, e whakahau ana hoki i a koe ki te kuhu me te hono mai ki ngā tuemi o ā mātou kohikohinga.

Nā tō whakamahi mai i ēnei pae tukutuku e whakaae ana koe kia here-ā-turetia ki ēnei whakaritenga o te whakamahinga me tā mātou Pānui Matatapu, ka whai take nō tō whakamahinga tuatahi rawa i te pae tukutuku nei. Ki te kore koe e whakaae kia here-ā-turetia ki te katoa o ēnei whakaritenga, kaua rā e whakaahei, e whakamahi rānei i tēnei pae tukutuku.

Kupuhere ā-Ihirangi

Kei tēnei pae tukutuku ētahi ihirangi ehara nā Te Puna Mātauranga o Aotearoa i waihanga. Kāore he kawenga o Te Puna Mātauranga o Aotearoa mō te ihirangi ā ētahi atu, nā, ko ngā tirohanga o roto, kāore pea i te tautokona e mātou.

Kāore Te Puna e here-, e mau-ā-turetia rānei ki te āhua e kawea, e whakamahia ai ngā mōhiohio o tēnei pae tukutuku, tae atu ki ngā hua o taua whakamahinga.

Ka taea e Te Puna Mātauranga o Aotearoa te whakarerekē i ēnei whakaritenga i te wā e hiahiatia ana mā te tuhi whakarerekētanga ki te ipurangi.

Hononga o waho mai i tēnei pae tukutuku

He hononga pea ki ētahi atu māngai, rōpū hoki kei tēnei pae tukutuku. Hei āwhina noa, hei take mōhiohio kau. Kia kaua rā te mau tūmomo e kīia he tūmomo tautokotanga o aua māngai, rōpū rānei e Te Puna Mātauranga o Aotearoa.

Kāore he kawenga o Te Puna Mātauranga o Aotearoa ki te ihirangi o ngā pae tukutuku ā-ipurangi o waho, kāore hoki pea ngā tirohanga o reira i te tautokona e mātou. Whakapā atu ki te rangatira o te pae tukutuku o waho, māna ō pātai i ngā ihirangi o reira e whakautu.

Kupu manatā, mana tārua

E whakaaetia ana te tārua i ngā rauemi o tēnei pae tukutuku, kotahi noa te hiahia, me whakaatu ko Te Puna Mātauranga o Aotearoa te mātāpuna o ngā mōhiohio kua whakamahia.

Nā T e Puna Mātauranga o Aotearoa te manatā o tēnei pae tukutuku. Me whaimana ia mai i ngā whakamahinga katoa i ngā mōhiohio o tēnei pae tukutuku, me kimi whakaae hoki mō mua noa atu o te tārua i ngā whakaahua, ngā hōtaka, ngā aha noa mai i te pae tukutuku.

Pānui Matatapu

Ka āta tiakaina e mātou ō mōhiohio tuakiri (ngā mōhiohio e tautuhitia ai koe, he tangata tūturu), ka whakautehia ō mōtika i raro i te Ture Matatapu 1993.

Ka taea te tirotiro i tēnei pae tukutuku, kāore hoki he take o te tuku mai i ō mōhiohio tuakiri.

Ki te tukuna mai e koe ō mōhiohio tuakiri (arā ko tō wāhitau ā-īmēra ina pātaitia ana tētahi pātai rangahau), ka whakamahia aua mōhiohio tuakiri ki te take i tukuna mai ai, ki taua take kotahi tonu.

Ka āta puritia haumarutia ngā mōhiohio tuakiri ka tukuna mai ai, kāore hoki e tukuna atu ki tētahi atu, me matua whakaae mai koe. Ki te whakaahei mai, ki te whakatika mai rānei i ō mōhiohio tuakiri e puritia ana e mātou, me he anipā rānei ōu ki ō mōhiohio tuakiri e puritia ana e mātou, whakapā mai koa. Ka taea te īmēra mai me ō pātai take matatapu: privacy@natlib.govt.nz

Te aroturuki i te whakamahinga pae tukutuku

Mai i tō toro mai ki tēnei pae tukutuku, tō pānui, tikiake rānei i te mōhiohio, ka kohia, ka purutia ngā mōhiohio tātaitai o te toronga mai.

Ko taua mōhiohio ko te wāhitau tūmau, te ingoa rohe o runga, te rā me te wā o te toronga mai, ngā whārangi i whakaaheitia me ngā pepamana i tikiaketia, te paetukutuku i toroa i mua tata tonu, me te tūmomo kaitirotiro i whakamahia.

Mā ngā tātaitai pae tukutuku ka taea ai e mātou te arotake i te tokomaha o ngā manuihiri ki ngā wāhanga rerekē o ā mātou pae tukutuku, te tautuhi i te mōhiohio e hiahiatia ana, te mātai i te tika o te mahi a te pūnaha, me te āwhina hoki kia whaitake tūturu ai ngā pae tukutuku mō ngā manuhiri. Kāore aua mōhiohio i te tukuna atu ki ētahi atu.

Pihikete

Ko te pihikete he kōnae iti e tukuna ana ki tētahi pae tukutuku, ka purutia ai ki te puku mārō o tō rorohiko. Whakamahia ana e tēnei pae tukutuku te kaitirotiro pihikete kia āwhinatia te kohi i te mōhiohio tātaitai kua tuhia ki raro o 'te aroturuki i te whakamahinga pae tukutuku'. Ka taea e koe te mono ā-ringa i te pihikete ki tōu wā. Kei te mōhiohio 'Āwhina' o tō kaitirotiro ngā whakamārama.

Tūhono ki tēnei pae tukutuku

E pai ana ki a mātou tō hono ki ngā whārangi o te pae tukutuku o Ngā Tuhinga-ā-ringa me te Whakaahua. Kia kau rā te hononga e mea, e hua rānei, kei tētahi atu o Te Puna Mātauranga o Aotearoa te purutanga o te manatā o ngā rauemi.

Kaua rā te tūhonotanga ki tēnei pae tukutuku mai i tētahi atu pae tukutuku e meatia ki tētahi tūmomo tautokonga o Te Puna Mātuaranga o Aotearoa.

Te takawaenga o te whakawhitinga whakaaro

Ko ngā whakawhitinga whakaaro ka whakakorea mēna:

  • he tukunga kore take noa (spam)
  • kāore he pānga ki te kaupapa
  • he whakahāwea ā-matāwaka, ā-takatāpui; ā-ai, ā-aha noa
  • he tāpiritanga mai o te nama waea, o te wāhitau mēra ā-ipurangi, ā-poutāpeta rānei.