Ko Ngā Pepa nā Tā Donald McLean , 1820-1877

Tēnā pea ko Donald McLean (1820-1877) te tino tangata whaimana o te waenganui o te rautau 19 i te hitori o Aotearoa. Ko ia te tino tangata ki ngā whakapānga i waenganui o te Māori me te Kāwanatanga ki tēnei wā nanawe. Mōhiohio anō mō Donald McLean.

Kei tēnei pae tukutuku ētahi kape āmati o ētahi raupapa kua tīpakohia mai i ngā pepa a Donald McLean e purutia ana ki te Whare Pukapuka o Alexander Turnbull. Mōhiohio anō mō te te whānuitanga me ngā ihirangi o ngā pepa a McLean.

Kua whakaritea ngā pepa hei raupapa, e ai ki te tikanga Pūranga. Ko te raupapa, he tōpūtanga o te pepamana, he ritenga āhua ōrite o roto, kua waihangatia ki te wāhanga pū o tētahi mahinga, he ōrite rānei te hōputu. Mōhiohio anō mo ngā whakaritenga me te hitori manaaki i ngā pepa a McLean.

Tirotiro i te kohikohinga katoa

Ko Ngā Raupapa

Raupapa 1 - Ngā reta i tuhia ki a Donald McLean (reo Ingarihi)

He raupapa rahi, ka 14,500 ngā reta, mai i te tini o ngā kaituhi reta. He mea pā te nuinga ki ngā mahi a McLean hei mōkai matawhānui, hei kaitōrangapū hoki, tae atu ana ki ngā reta ā-whānau me ngā reta hoki e pā ana ki te whakahaere i ana rawa ki Heretaunga. Mōhiohio anō.

Ka 14,501 ngā tuemi ki tēnei raupapa, o reira ka 4,023 kua patohia hōutia.


Raupapa 2 - Ngā reta i tuhia ki a Donald McLean (reo Māori)

Ka 3,000 pea ngā reta o tēnei raupapa, he mea tuhi ki a McLean e te hunga Māori puta noa i Aotearoa. Ko ia nei te kohinga nui atu o ngā reta reo Māori o te rautau 19 kei te kitea tonutia i tēnei wā. Mōhiohio anō.

Ka 3,148 ngā tuemi o tēnei raupapa, o reira ka 491 kua patohia hōutia.


Raupapa 3 - Ngā Pukareta nā Donald McLean

Ko te nuinga o ngā reta o tēnei raupapa he mea pā ki ngā mahi moata a McLean . Ko te pukareta moata atu he mea mahi i a ia te Kaitiaki Taupua i Taranaki. Ko ngā pukareta o muri mai, he mea pā ki ērā atu o āna mahi ōkawa, ā, he mea tūmataiti hoki o roto. Mōhiohio anō.

Ka 19 ngā tūemi o tēnei raupapa, o reira ka 10 kua patohia hōutia.


Raupapa 4 - Ko ētahi tauira, kongaonga hoki o ētahi reta nā Donald McLean i tuhi

Kei tēnei raupapa ētahi kōpaki o ētahi tauira, kongakonga reta hoki nā McLean i tuhi, puta noa te nuinga o āna mahi. Hei whai hoki i ngā pukareta o te raupapa 3. Mōhiohio anō.

Ka 889 ngā tūemi o tēnei raupapa, o reira ka 60 kua patohia hōutia.


Raupapa 5 - Ngā Puka Rātaka, Puka Tuhipoka hoki nā Donald McLean

Puta noa i āna mahi, ka whakamahia ai e Mclean te puka tuhipoka iti hei whakaurunga rātaka, hei tuhituhinga mō aua mahi nei. Mōhiohio anō.

Ka 100 ngā tūemi o tēnei raupapa, o reira ka 43 kua patohia hōutia.


Raupapa 6 - Waea hiko ki, mai i a Donald McLean

Mai i te tau 1869, ka taea e McLean te whakamahi i te waea hiko hei whakawhitiwhiti kōrero ki ngā āpiha me ngā kaitōrangapū. Mōhiohio anō.

Ka 6,189 ngā tūemi o tēnei raupapa, o reira ka 12 kua patohia hōutia.


Raupapa 7 - Ngā pepa mana ōkawa nā Donald McLean

Kei tēnei raupapa ngā pepa nā McLean i waihanga, i pupuri hoki hei wāhanga o āna mahi mana ōkawa. Kei roto ko ngā reta, ngā reta mana ōkawa, ngā tauira whaikōrero, tuhipoka pūrongo hoki. Mōhiohio anō.

Ka 3,737 ngā tūemi o tēnei raupapa, o reira ka 758 kua patohia hōutia.


Raupapa 8 - Mahere whenua

Kei tēnei raupapa ngā mahere ā-ringa e pā pū ana ki ngā hokonga mana ōkawa a McLean i te whenua, me ētahi atu mahi Kāwanatanga, tae atu ana ki āna ake mahi hoko whenua. Mōhiohio anō.

Ka 50 ngā tūemi o tēnei raupapa


Raupapa 9 - Ngā reta i tuhia ki a Donald McLean e tana whānau

Kei tēnei raupapa ngā reta ki a McLean mai i tana hoa wahine, i ana tuākana-teina, i tāna tama, me ōna whanaunga. Kei roto ko ngā reta mai i tana hoa wahine i a Susan (i mate i tana whānautanga i tā rāua tamaiti kotahi tonu, a Douglas), i a Douglas, me tana hungarei, i a Robert Strang. Ko ētahi atu reta mai i ana tuākana-teina, i a Catherine, i a Annabella, i a John, i a Archibald, me Alexander. Mōhiohio anō.

Ka 1,204 ngā tūemi o tēnei raupapa, o reira ka 554 kua patohia hōutia.


Raupapa 13 - Ētahi au pepa

Kei tēnei raupapa ētahi tuemi anō pēnei me te tuhipoka rangahau mō ngā take Māori, ngā pōwhiri, me ētahi atu āhuatanga mai i te oranga o McLean ā-hapori, ā-tōrangapū, me tētahi kōnae mō tōna matenga. Mōhiohio anō.

Ka 66 ngā tūemi o tēnei raupapa.