Donald McLean (1820-1877)

Tēnā pea ko Donald McLean (1820-1877) te tino tangata whaimana o te waenganui o te rautau 19 o te hitori o Aotearoa. Ko ia te tino tangata i ngā whakapānga i waenganui o te Māori me te Kāwanatanga ki tēnei wā nanawe.

I whānau mai ia i Kotirangi, ā, nō muri tata noa o te hainatanga i te Tiriti o Waitangi i 1840 ka tae mai ai a ia ki te Pēwhairangi, he kimi oranga whairawa. Tae atu ki te tau 1844, ko ia te kaitiaki taupua i Taranaki ki te Tari Kaitiaki (Protectorate Department). Ko ia tēnei te tīmatanga o te mahi oranga whakahirahira rawa atu. Nō muri mai nā McLean ngā mahi hoko whenua i kōkiri, hei Komihana Matua o te Hoko Whenua Māori. Nō te tau 1856 ko ia te pane o te Tari Take Māori (Native Affairs Dept); nā tāna tautoko i te tohenga o te hoko ki Waitara ka tīmata ai te pakanga ki Taranaki i ngā tau moata o te tekautau 1860.

I te tau 1861 ka puta atu a McLean i te pokapū o te kāwanatanga mō te wā iti noa, ki te whakapau kaha ki āna rawa whenua whairawa i Heretaunga, me te whai wāhi ki te tōrangapū ā-rohe. Ka pōtitia ia hei Kaiwhakahaere o te Porowini o Heretaunga i te tau 1863, ā, ka pōtitia kia hoki anō ki Pōneke i te tau 1866. I ngā tau o muri mai o te tekautau 1860, nā McLean i ārahi te pakanga ki a Te Kooti i te Tai Rāwhiti, ā, mai i te tau 1869, tae noa ki te wā o mua tata o tana matenga i te tau 1877, ko ia te Minita o Te Tari Take Māori. I moe wahine ia i te 1851, ēngari ka mate tana hoa wahine i te tau o muri, i a ia e whakawhānau ana i tā rāua tama kotahi.

E ai ki a Ray Fargher, te kaituhi i te oranga o McLean , he tangata pūkaha, he hao nui a McLean , he kaiponu hoki i tāna mana whakahaere, he nui tāna ake whakaaro ki tōna pono ake. Ā, tērā rā anō hoki tāna, he ahakoa ko tā ōna hoa kainoho, he pai noa ki a ia te tuku kia whai wāhi iti mai te iwi Māori ki roto o ngā wāhanga hanga ture, ā-tōrangapū hoki. He oti rā anō, ko ia ki te pū tonu o ngā mahi tōrangapū, e ai ki a Fargher, "nāna te whakahāweatanga ā-ōhanga, ā-ahurea o te Māori ki tō rātou whenua ake".

Hei pānui anō:

Alan Ward "McLean, Donald" Dictionary of New Zealand Biography volume one, Auckland University Press, Auckland 1990. Available online at http://www.dnzb.govt.nz/dnzb/default.asp?Find_Quick.asp?PersonEssay=1M38

'Donald McLean', Ministry for Culture and Heritage
http://www.nzhistory.net.nz/people/donald-mclean

Ray Fargher The Best man who ever served the Crown? A Life of Donald McLean, Victoria University Press, Wellington 2007

Rātaka o te oranga o McLean

Ko Donald McLean i tētahi hui Māori, i Wairoa, Heretaunga, 1865.

He mea matatau a McLean ki te kōrero Māori, he whai wāhi mana ki te tini o ngā hui Māori puta noa te motu. Ki tēnei hui i Wairoa i te tau 1865, ka kitea ia e noho ana ki raro o te rākau, ki te taha maui, kei waenga pū o te aronga o te hunga nei. He mea nui ēnei hui pēnei ki āna mahi, ā, kua āta tuhia ki āna pepa.

Ko Donald McLean i tētahi hui Māori, i Wairoa, Heretaunga, 1865.PAI-q-193-053
Puka-whakaahua a Beatrice Rhodes
Pūranga Whakaahua
Te Wharepukapuka o Alexander Turnbull