Rātaka o Tā Donald McLean

1820

25 o Oketopa, whānau ki te moutere o Tiree,ki Kotirangi.

1838

Ka tae ki New South Wales, Ahitereiria.

1840

Pēpuere, ka tae mai ki te Pēwhairangi. Ka tīmata te mahi hokohoko i te rākau me ētahi atu mea.

1844

Aperire, ka whai tūranga i te Tari o te Kaitiaki Take Māori (Department of the Protector of Aborigines).

Mei-Hune, he whai i te whakatau i te raruraru ki te moutere o Waiheke, me ētahi atu wāhi o Tīkapa Moana.

Hūne ka riro i a ia te tūranga hei Kaitiaki Taupua o te Iwi Taketake i Taranaki.

Hūrae, ka tae mai ki Ngāmotu.

Ākuhata, ka tīmata te tirotiro i te Niu Tireni Kampuene me ngā kerēme whenua i Ngāmotu.

1845

Hanuere, ka haere me tētahi ope Māori nui ki Whanganui ki te āwhina i ngā nawe o waenga i a Tūwharetoa me ngā iwi o Taranaki ki te tonga.

Mei, ka haere ki Taupō, ko taua mahi whakatau nawe anō.

Oketopa, ko rāua ko Richard Taylor, ka haere ki Taupo me Rotorua mā Whanganui.

1846

Maehe, ka whakakorea te Tari o Te Kaitiaki Take Māori. Ka haere ki Whanganui.

Āperire, ka riro i a ia te tūranga o te Kaitirotiro Pirihimana, i Taranaki, o te kaiwhakawā hoki, me ētahi kawenga kaihoko whenua.

Mei-Hūne, ka tīmata te whakarite whakataunga o te kerēme a te Niu Tīreni Kamupene i ngā whenua ki Whanganui.

Hune ka haereeretia te takiwā o Taranaki hei wāhanga o ana kawenga hōu.

1847

Pēpuere, ka tīmata a Kāwana Kerei ki Ngāmotu me ngā iwi o Taranaki ki te whakarite hoko whenua i te tautohetia i Waitara me ētahi atu rohe.

Maehe, ka tīmata ētahi raupapa hui roa, ko McLean me ngā kaikerēme o Taranaki mō Waitara me ētahi atu whenua.

Hūne, ka terea te Awa o Whanganui ki tētahi hui Māori nui (he pātata ki Hiruhārama).

1848

Maehe, ka haere mai i Pōneke mā Waikanae, te wāhi i whakapuakina ai e Wiremu Kīngi tāna kupu kāore e whakaaetia te hoko whenua i Waitara.

Mei, ka hui me ngā kaikerēme matua o Whanganui kia mutu te hoko i te poraka o Whanganui.

Tīhema, ka mutu te hoko i te Bell Block , i Taranaki. Ki Pōneke, ka whai ia i tana hoa wahine ā taro ake nei, i a Susan Strang.

1849

Hānuere, ka toro atu ki Manawatū me Rangitīkei ki te rapu whenua mai i a Ngāti Raukawa me Ngāti Apa.

Mei, ka hokona te poraka o Rangitīkei.

Hūne, ka toro atu ki ngā iwi o te Awa o Whanganui.

1850

Maehe, ka haere ki Mōkau, ki te raki o Taranaki.

Āperire, ka haere ki Whanganui me Pōneke. Ka riro i a ia te tūranga o te Kaikomihana Kaihoko Whenua.

Noema, ka haere ki Pōneke, ka hui me Kāwana Kerei.

Tīhema, ka haere mā te Awa o Rangitīkei ki Waipukurau, Te Aute, me Ahuriri ki te whakarite hokonga whenua me Ngāti Kahungunu.

Ka tau te whakahoahoatanga me te rangatira o Ngāti Kahungunu, a Te Hāpuku.

1851

Hānuere - Mei, ki Heretaunga ki ngā whakaritenga hoko whenua. Ka ahu atu ki Wairoa, ki Tūranga me Māhia, ka mutu ka hoki mai mā Ahuriri me Waipukurau.

Mei, ka ripoata ki a Kāwana Kerei i Pōneke

Āukahata, ka moe i a Susan Strang ki Pōneke, ki Taita te wā whakararawe.

Oketopa, ka hoki ki Waipukurau mā Wairarapa ki te whakaoti whakaritenga.

Noema, ki Ahuriri kia ea rā anō te hokona o reira.

Tīhema, ka ea te hoko i te poraka o Mōhaka i Heretaunga, ka toro atu ki Māhia, ka hoki ki Pōneke mā te tahamoana o Wairarapa.

1852

Mei, ki Rangitīkei

Hūne-Ākuhata, ki Taranaki me te rapu hokonga whenua anō.

Nōema, ka mate a Susan i a ia e whakawhānau ana i tā rāua tama i a Douglas.

1853

Maehe, ka toro atu ki Manawatū ki te whakatau i ngā tautohenga o waenga i ngā iwi o reira.

Hūne-Hānuere 1854, ka ea ngā hokonga e 41 ki Wairarapa.

Te mutunga o te tau 1853, ka ōkawa te tū o te Tari Hoko Whenua (Land Purchase Department) ko McLean hei Kaikomihana Matua mō te Hoko Whenua Māori. Ka nuku a McLean ki Tāmaki-makaurau.

1854

Haere tonu ana ngā whakaritenga me ngā hononga whenua ki Heretaunga.

Takawaenga o te tautohenga o Puketapu i Taranaki.

1855

Haereere ai ki Pōneke, ki Heretaunga, ki Whanganui me Taranaki.

Āperire, ka toro ki Heretaunga me Poverty Bay, te whakaea i te hokonga o Mōhaka. Huri noa ngā tau e toru o muri mai, he nui ngā whakaritenga mō ngā whenua i Heretaunga.

Hepetema, ka tae mai te Kāwana hōu, a Thomas Gore Brown.

Noema, ka tūtaki i ngā Māori o Golden Bay me Nelson mō ngā kerēme whenua kāore anō kia tau.

1856

Hānuere, ki Pōneke. Ka toro atu ki Marlborough ki te whakaea i ngā whakaritenga whenua o reira.

Āperire, hui tuatahi o te Whare Pāremata hōu (House of Representatives).

Ākuhata, ka waihangatia ētahi tari o te Hekeretari Māori (Native Secretary) me te Tari Hoko Whenua Māori i raro i te maru o te Minita o ngā Take Māori. Ka whakaingoatia a McLean hei Hekeretari Māori, hei Kaikomihana Matua mō te Hoko Whenua Māori hoki.

I ngā rā whakamutunga o te tau 1856, ka kōkirihia e Kāwana Browne tētahi Poari Arotake i ngā mahi a te Tari Māori.

1857

Ka hokona te poraka tuatahi i Maraekākaho, ki Heretaunga, ā, ka kaha ake te hoko whenua anō i roto i ngā tau o muri mai. Ka tūria e ia ko tana tuakana a Alexander McLean hei kaiwhakahaere i te pāmu i Maraekākaho.

Oketopa-Tīhema, ko ia te kaitakawaenga whakatau raruraru mōtika whenua i waenga i a Te Hāpuku me ētahi atu o Ngāti Kahungunu.

Noema, ka tīmata a Te Teira Mānuka te kōrero mō te hoko whenua ki Waitara.

1858

Ka tae mai tana teina a Archibald ki te āwhina i ngā mahi ki Maraekākaho.

Maehe, Ka ea te hoko i te poraka o Pōrangahau. Ka hoki anō ki ngā hokonga ki Wairarapa.

1859

Pēpuere, ka tau te kupu a Wīremu Kīngi kia kaua te whenua e hokona.

Maehe, ka kōrero a Kāwana Browne ki ngā kaikerēme i Waitara, ka tautokona te tāpaetanga o Te Teira, ēngari mō te kupu a Wīremu Kīngi.

Āperire, ka toro atu ki Marlborough ki te kimi whakaaetanga o ngā kaikerēme e ngaro ana kia tukuna atu ā rātou kerēme i Waitara.

Mei, ka haere tahi me Kāwana Browne ki Whanganui ki te whakarite hoko whenua ki Waitōtara [?], atu i reira ki Heretaunga. Ka noho ki Heretaunga tae noa ki te Hepetema, me te whakaea i ngā hokonga whenua, te whakatau hoki i ētahi o ngā tautohetohe.

Hepetema, ka haere ki Wairarapa.

Ka māuiui, ka tono rīwhi kia haere ki Ingarangi.

Ka āta tuhia ōna whakaaro mō te hoko whenua ki a Kāwana Browne.

Tīhema, whai whakaoratanga ki Ōtautahi.

1860

Ka hokona tētahi pāmu hipi i Ōtākou, e pātata ana ki te Roto O Wakatipu.

Ka tohea e Pīhopa Wīremu Wīremu ngā mahi hoko whenua a McLean me ana Kaikomihana Whenua ā-rohe.

Maehe, ka tīmata te pakanga ki Taranaki mō te poraka o Waitara.

Āperire-Mei, ka āwhinatia e McLean ngā nganatanga whakatau ki Taranaki me Waikato, ka whakahoki kōrero anō ki ngā waiaro mai i Waikato.

Hūrae, ka karangatia e Kāwana Browne tētahi hui ki Kohimarama o ngā rangatira o Te Ika a Māui, nā McLean i ārahi.

Ākuhata, ka karangatia a McLean rāua ko Octavius Hatfield ki Paremata, ki te whakaatu i ngā take o te pakanga ki Taranaki me te raruraru ki Waitara.

1861

Maehe ka tūtaki a McLean i a Wīremu Tamihana o Te Kīngitanga ki te whakarite i te maungārongo.

Mei, ka rīria e Kāwana Browne me ngā minita mō tana kore whakaae i te tū a te Kāwana ki Te Kīngitanga.

Mei-Hune, ka ākina kia rihaina i te tūranga hei Hekeretari Māori, ēngari ka haere tonu hei Kaikomihana Matua mō Te Hoko Whenua.

Hūrae, tē taea ai te hui me Tamihana

Tīhema, ka tīmata a Hōri Kerei ki tana tuaruatanga hei Kāwana.

1862

Ka manā te Ture Whenua Māori, e taea ai te hoko tika i te whenua Māori ki te tangata kotahi.

Ngā whakaritenga mō te hoko i ngā whīra kōura o Hauraki.

Ka haere, ka noho ki tana whenua i Maraekākaho, ka haere tonu te hoko whenua i reira.

1863

Ka tae mai ana tuāhine, a Catherine rāua ko Annabella mai i Kotirangi, mā rāua tāna tama a Douglas e tiaki.

Ngā rā tīmatanga o 1863, ka pōtitia hei Kaiwhakahaere o te Porowini o Heretaunga.

I waenga o 1863, ka tīmata te pakanga ki Waikato. Ka tūria a McLean hei māngai take whānui mō te kāwanatanga.

Ka whakarērēna e Kāwana Kerei te hokonga o Waitara.

1864

Ka haere tāna tama a Douglas ki Ingarangi kura ai.

Ka mutu te pakanga ki Waikato.

1865

Ka whakakorea te Tari Hoko Whenua Māori, me te tūranga o McLean hei Kaikomihana Matua mō te Hoko Whenua.

Mai i te Ture Whenua Māori, ko te Kōti Whenua Māori.

Maehe, ka whakaingoatia hei Māngai Kāwanatanga, Tai Rāwhiti, ki te haukoti i te tohenga Māori me te Pai Mārire.

Hūne, he timotimo whawhai ki te Tai Rāwhiti.

1866

Ka riro i a ia te tūru o Ahuriri mō te Whare Pāremata (General Assembly), ka hinga i a ia te mema o taua wā, a William Colenso

1867

Ka moe tana tuahine a Catherine i a Robert Hart i Pōneke.

Nā te 'Donald McLean Superannuating Act' ka whiwhi penihana ia mō ana tau hei mōkai tūmatawhānui.

Kaitautoko matua i te Pire Tūru Māori, ka riro ai i te Māori ngā tūru e whā ki te Whare Pāremata (General Assembly).

1868

Hūrae Ka hoki mai a Te Kooti i Wharekauri, ka ārahina e McLean te pakanga i a ia.

Hepetema, nāna te mōtini i Pāremata i kōkiri ai te tohe i tā E.W. Stafford kawenga o Ngā Take Māori me te pakanga i Te Tai Rāwhiti.

1869

Maehe, ka panaia a McLean hei māngai Kāwanatanga ki Te Tai Rāwhiti.

Hūne, ka hinga te kāwanatanga o E. W. Stafford, ka tū a William Fox hei pirīmia, ko McLean te Minita Māori, me te Minita Waonga (Defence Minister).

Hepetema, ka rihainatia te tūranga Kaiwhakahaere Porowini o Heretaunga. Ka hokona tētahi whare ki Pōneke, ka nuku mai tana tuahine a Annabella ki Pōneke hei kaiwhakatau manuwhiri mōna.

Noema, ka toro atu ki Waikato ki te kōkiri whakaritenga me Te Kīngitanga.

1870

Ka manā te Ture Hoia (Militia Act), he whakakorenga i te tauā kainoho.

Ka hoki mai tāna tama a Douglas i tana kura i Ingarangi.

1872

Kāore i taea e McLean te whakarite i tētehi pire Rūnanga hei tuku ki te Māori te mana whakahaere i te ture ki ētahi rohe Māori.

Hepetema, ka hinga a William Fox i a E. W. Stafford; ka ngaro i a McLean ana kawenga, ēngari nō te tau o muri mai ka whakahokia mai ki a ia i raro i te kāwanatanga o Julius Vogel.

1873

Ka whakahokia te mana whakahaere i ngā āpiha Hoko Whenua mai i te Tari Mahinga Matawhānui (Public Works Department) ki te Tari Māori.

Āperire, ko Julius Vogel te Pirīmia, ka whakahokia ki a McLean ngā tūranga Minita Māori, Minita Waonga hoki.

Tirohia ai e Te Komihana ngā whenua i Heretaunga ngā tangi a te Māori mō ngā mahinga hoko whenua. Ko tā te Komihana, kāore he hara o Maclean me ana āpiha.

Ka toro ki Taranaki.

1874

Ka riro i a ia te hōnore o te Tā.

1876

Ka nui haere te māuiui.

Tīhema ka rihainatia te tūru o te minita, ka hoki ki Heretaunga.

1877

Ka mate ki Ahuriri i te 5 o Hānuere, e 56 ōna tau.