Raupapa 7 - Ngā pepa mana ōkawa a Donald McLean

Kei tēnei raupapa ngā pepa nā McLean i waihanga, i pupuri hoki hei wāhanga o āna mahi mana ōkawa. Kei roto ko ngā reta, ngā reta mana ōkawa, ngā tauira whaikōrero, tuhipoka pūronga hoki.

Kua whakarārangitia ngā pepa hei kōnae e pā ana ki ngā tūmomo tūranga mana ōkawa a McLean. He mea pā ki tāna mahi hei Kaitiaki Taupua i Taranaki, Kaiwhakawā Pirihimana, Kaikomihana Hoko Whenua, Hekeretari Māori, Kaiwhakahaere o te Porowini o Heretaunga, Māngai Kāwanatanga mō Te Tai Rāwhiti, ā, hei Minita mō Ngā Take Māori me te Wawao.

He pepa tirohanga whānui anō, ka riro i a McLean me tāna hei Mema o Te Whare Pāremata.

He maha ngā pepa tauira, tuhipoka noa rānei. Kāore anō ētahi kia oti. Ahakoa tērā, kei reira ētahi rauemi nui hei taunakitanga o ngā mahi mana ōkawa a McLean, me āna whakaaro ki ngā kaupapahere a Te Kāwanatanga.

Na ngā kaimahi o Te Wharepukapuka o Turnbull ētahi o ngā reta me ētahi atu pepa o tēnei raupapa o ngā tau moata o ngā 1950. Ko ngā mea e wātea ana kua tāruatia ki te taha o ngā whakaahua āmati, ka taea hoki te rapu ā kupu matua. Me mārama mai he tauira noa te kounga o ēnei patohanga, kua hē pea ētahi o ngā kupu.

Ka 3,737 ngā tūemi o tēnei raupapa, o reira ka 758 kua patohia hōutia.

Ko Thomas Gore Browne, tana whānau, me tana hekeretari matawhāiti, 1859; Tā George Grey rāua ko Te Rīwai RōpihaWhanganui, 1862.

He kawenga nō te Kāwana mai i Ingarangi te kaupapahere Māori, puta noa te whakatūranga o te kāwanatanga kainoho o 1856. Mai i te tautoko a te Kāwana ngā angitū a McLean, me te whakawhirinaki a te Kāwana i a ia. Ko ngā Kāwana e rua o tāna ūmanga moata ko Thomas Gore Browne (taha maui), Kāwana mai i te tau 1855 ki te tau 1861, rāua ko George Grey, Kāwana mai i te 1847 - 1854, ā, mai i te 1861 - 1864.

Ko Thomas Gore Browne, tana whānau, me tana hekeretari matawhāiti, 1859. PA1-q-250-06.
Tā George Grey rāua ko Te Rīwai RōpihaWhanganui, 1862. PA2-2121
Pūranga Whakaahua
Te Wharepukapuka o Alexander Turnbull