Raupapa 6 - Waea hiko ki a Donald McLean, mai hoki i a ia

Mai i te tau 1869, ka taea e McLean te whakamahi i te waea hiko hei whakawhitiwhiti kōrero ki ngā āpiha me ngā kaitōrangapū.

Ko te pūnaha waea hiko hōu he mea whakamātau i Ōtautahi i te tau 1863, ā, nō te mutunga o te tekautau, ka whakatūria ai tētahi kōtuituitanga o te taura me te tari ki waenganui o ngā taonenui matua me ngā taone. Mō McLean he huarahi tēnei e pātata atu ai te whakapānga ki ana hoa kaituhi e āhei ana ki te whakamahi i te hangarau hōu nei.

Ko te nuinga o ngā waea hiko he mea pā ki ngā mahi a MvLean te kaitōrangapū, ēngari e toru ngā kōpaki mōna ake, he mea pā ki ana pakihi, me ana take whānau.

Ka 6,189 ngā tūemi o tēnei raupapa, o reira ka 12 kua patohia hōutia.

Waea hiko mai i a Julius Vogel ki a Donald MacLean, 21 o Hune, 1872

Kei tēnei whakaahua tētahi tauira o te waehere i whakamahia kia noho muna ētahi o ngā tuhinga. Ko te kaituku mai ko Julius Vogel, pēnei me McLean, he minita o te rūnanga o William Fox. I Tāmaki-makaurau a McLean, ka tukuna mai e Vogel tētahi waea hiko hei whakaatu mai kua tīmata te nukarau a Edward Stafford te hoariri ā-tōrangapū o Fox, kia hinga a Fox i a ia. Ko tā te waea hiko nei: 'Taumaha kē te āhua o te Kāwanatanga - me whakatau ināia tonu nei - hoki wawe mai.'

Waea hiko mai i a Julius Vogel ki a Donald MacLean, 21 o Hune, 1872
MS-Papers-0032-0071
Ngā pepa a Donald MacLean
Ngā Kohikohinga Tuhi-ā-ringa
Te Wharepukapuka o Alexander Turnbull