Raupapa 5 - Ngā Puka Rātaka, Puka Tuhipoka hoki a Donald McLean

Puta noa i āna mahi, ka whakamahia ai e McLean te pukatuhipoka iti hei whakaurunga rātaka, hei tuhituhinga mō aua mahi nei.

Kāore a McLean i kaha ki te tuhi rātaka, ka kaumātua haere, ka āhua tipihori hoki. Ko ētahi o ngā tuhinga o te rā he poto kau, ko ētahi he nui kē ake te mārama. Ko tōna tino kaupapa, me tuhi e ia ngā whakamārama whīwhiwhi o āna hui me ngā Māori mō te hoko whenua, me ētahi atu take, hei whāinga māna mō muri mai. He mea tuhi anō aua rātaka nei i ngā tuemi ihiihi, pērā me ana tuhipoka mō te reo Māori, te tātaitai tokomaha o te tangata, hei whakatauira reta rānei. Ko te pānga nui o ana rātaka ki āna mahi hei kaimahi mō te Kāwanatanga, ēngari mō āna o muri atu hei kaitōrangapū i pōtitia.

Kei roto rā o ngā tuhinga o mua ētahi whakamārama mō tāna noho i tōna kāinga, me āna whakaaro ake. He tuhinga pā aroha āna mō te whai i tōna hoa wahine, he pai hoki ki a ia te whakamihi i a ia anō ki āna tuhinga i te mutunga o ngā tau mō āna whakatutukinga.

Nō ngā tau moata o ngā 1950 ka patohia ai e ngā kaimahi o te Wharepukapuka o Turnbull te nuinga o āna tuhinga ki ana rātaka. Mē wātea ana, kua tāruatia aua patohanga ki te taha o ngā whakaahua āmati o te whārangi rātaka, ka taea hoki te rapu mā te kupu matua. Me mārama mai he tauira noa te kounga o aua patohanga, ā kua hē hoki te patohanga o ētahi kupu.

Ka 100 ngā tūemi o tēnei raupapa, o reira ka 43 kua patohia hōutia.

Richard Taylor. Ko te whakamaumaharatanga ki a Kawiti i Tarawera, 22 Noema 1845

Kāore te nuinga o ngā rātaka me ngā puka tuhipoka a McLean i whai whakaahua. Ēngari kei tētahi o āna rātaka moata, he whakaaturanga i tana haerenga o te tau 1845 ki roto o Tūwharetoa, o Waikato, me Te Arawa ki waenganui o te Ika-a-Māui ētahi tauira tuhinga nā tana hoa haere, nā te mihingare, arā a Richard Taylor. Ko tēnei whakaahua o tētahi whakamaumaharatanga ki tētahi rangatira o Te Arawa, ki a Kawiti, kua tangohia mai i te pukawhakaahua a Taylor tonu, he whakaahua oti kē atu i te tauira whakaahua nāna i tuhi ki te rātaka a McLean.

Richard Taylor. Ko te whakamaumaharatanga ki a Kawiti i Tarawera, 22 Noema 1845. E-296-q-013-2
Kohikohinga Whakaahua ā-ringa, Peita, Kape
Te Whare Pukapuka o Alexander Turnbull