Raupapa 4 - Ko ētahi tauira, kongakonga hoki o ētahi reta nā Donald McLean i tuhi

Kei tēnei raupapa ētahi kōpaki o ētahi tauira, kongakonga hoki nā McLean i tuhi, puta noa te nuinga o āna mahi. Hei whai hoki i ngā pukareta o te raupapa 3.

Ko te nuinga o ngā reta he mea pā ki tāna mahi mana ōkawa, ēngari kei roto rā anō ko ētahi mō āna ake take pakihi. Ko te maha noa o ngā reta, kāore i oti, ko ētahi kāore i te mōhiotia nō tēwhea rā i tuhia ai, ēngari, puta noa, he rauemi whakamārama, whakaatu hoki i āna mahi, me te āhua o tōna waiaro.

Ki tua noa o aua reta nei me ngā pukareta o te raupapa 3, e kitea ana ētahi o ngā tauira o ngā reta a McLean ki roto o etahi o ngā rātaka me ngā puka tuhipoka o raupapa 5.

Ka 889 ngā tūemi o tēnei raupapa, o reira ka 60 kua patohia hōutia.

Teihana o Maraekākaho, ca 1865.

Ko ētahi o ngā tuhinga a McLean he mea pā ki āna take pakihi ki Heretaunga. Nō te tau 1851, i tētahi o ana toronga tuatahi ki Heretaunga ki te hoko whenua Māori mō te Kāwanatanga, ko tāna ki tana rātaka "Kātahi te koanga o taku ngākau mēna ka riro i a au ngā kāhui hipi, kau hoki, me ngā rawa e taea ai e au te noho ki ngā eka 10,000 o ēnei mania". No ngā tau o muri o ngā 1850, ka ea ai i a ia tōna wawata, tae noa ki tōna matenga, nā tana teihana ki Maraekākaho ia i meinga ai he tangata tino whairawa.

Teihana o Maraekākaho, ca 1865. PA1-q-193-038b-2
Pūranga Whakaahua
Te Wharepukapuka o Alexander Turnbull