Raupapa 2 - Ngā reta i tuhia ki a Donald McLean (reo Māori

Ka 3,000 pea ngā reta o tēnei raupapa, he mea tuhi ki a McLean e te hunga Māori puta noa i Aotearoa. Ko ia nei te kohinga nui atu o ngā reta reo Māori o te rautau 19 kei te kitea tonutia i tēnei wā.

Ko te nuinga o ngā reta moata mai i ngā Māori i ngā wāhi i nōhia ai e McLean hei kaitiaki taupua, hei kaiwhakawā, hei kaikomihana hoko whenua mō te Kāwanatanga. He maha hoki o ngā reta nō aua tau e pā ana ki ngā take whenua Māori o Taranaki, mō ngā take hoko whenua i waenganui i a Ngāti Kahunugunu ki Heretaunga me Te Wairarapa.

Ko ngā tuhinga a ngā kaituhi o muri mai he mea pā ki te whawhai me Te Kooti i te Tai Rāwhiti. He maha ngā reta mai i ngā rangatira Māori huri noa te motu, ērangi rawa ia nō ngā tau o muri mai, nō te wā ko ia ko McLean te Minita kawe i ngā Take Māori.

He ūara nō ngā reta hei rangahau i ngā waiaro a te Māori ki ngā take whenua, hoko whenua hoki; ngā tōrangapū i waenga o ngā hapū, te hitori ā-pāpori a ngā hapori Māori, te hītori whānui atu ki ngā takahanga i waenga i te Māori me te Pākehā, me te tirotiro i te whanaketanga o te reo Māori hei reo tuhituhi.

Kua whakarārangitia ngā reta ki te wā, arā te tau, ēngari mō ētahi kāore i whakarāngia (kōpaki 0702A-0702I) me tētahi raupapa atu anō o ngā reta me ngā pepamana nō muri mai ka riro mai ai i te whānau (kōpaki 1010-1019), kua noho tonu ki taua rarangi tonu mai i te wā i riro mai ai. He tūmomo rapu anō te tirohanga i ngā reta. Mō te nuinga, kua tuhia te rā, te ingoa o te kaituhi, te iwi, hapū rānei, me te wāhi o te tuhinga mai, te wāhitau rānei, ā, mā aua tūāhua nei ka taea ai te rapu.

E Mā: Ngā Tuhinga ki a Makarini ko ia tēnei tētahi kaupapa whakapākehā i ngā reta nei. Ko ngā kaikawe i te kaupapa ko Dr. Ngāpare Hopa, ko Te Kohu Douglas, ko Dr. Jane McRae, ā nā Ngā Pae o te Māramatanga te pūtea tautoko.

Ko te nuinga o ngā reta moata kua patohia, kua whakapākehātia hei wāhanga o te kaupapa E Mā nei, ko ētahi atu kua whakapākehātia e ētahi atu kairangahau. Ko ngā whakapākehātanga me ngā patohanga ka taea kua tāpirihia atu ki ngā reta āmati, ka taea katoatia hoki te rapu. Ka haere tonu te mahi tahi a Te Wharepukapuka o Turnbull me te rōpū E Mā nei i a rātou e pato, e whakapākehā hoki nei i ngā reta.

Ka 3,148 ngā tuemi o tēnei raupapa, o reira ka 491 kua patohia hōutia.

Te Hāpuku, ca 1863-1866; Rāpata Wahawaha, 1871.

I waenga o ngā hoa kaituhi maha o McLean ko te rangatira o Ngāti Kahungunu, ko Te Hāpuku (taha maui), tētahi o ngā kaitautoko i ngā hokonga moata a McLean i Heretaunga, rāua ko Rāpata Wahawaha o Ngāti Porou, tētahi o ngā kaiārahi i te whawahi me Te Kooti i ngā tau 1860.

Te Hāpuku, ca 1863-1866. PA2-1726
Pūranga Whakaahua
Te Wharepukapuka o Alexander Turnbull

Rāpata Wahawaha, 1871. Kaiwhakaahua :Samuel Carnell. 1/4-022027-G
Pūranga Whakaahua
Te Wharepukapuka o Alexander Turnbull