Ko te whānui me ngā ihirangi o ngā pepa a Donald McLean

Kei tēnei pae tukutuku ētahi kape āmati o ētahi tīpakohanga raupapa mai i ngā pepa a Donald McLean kei te Wharepukapuka o Alexander Turnbull e puritia ana.

Ko te wāhanga nui atu o te kohikohinga, ko tētahi raupapa reta reo Ingarihi, ka 14,500 pea, he mea tuku ki a McLean mai i ngā kaituhi tini, he mea matawhāiti, matawhānui hoki. Ki taua mana nui anō ko ngā reta e 3000 pea mai i ngā kaituhi Māori, ko ia nei te kohinga nui atu o ngā reta reo Māori mai i te rautau tekau mā iwa kei te kitea tonutia i tēnei wa. He raupapa o ngā reta nāna i tuku atu, tētahi tōpūtanga o āna pepa mahi e pā ana ki ngā tūmomo tūranga tōrangapu a McLean, he rātaka, he mahere, he reta ā-whānau, me ētahi atu pepa.

Kei te rahi me te whānui o ngā pepa te whakaatatanga i te tuakiri o McLean me tōna āhua ki āna mahi. Ko tētahi wāhanga o te whakaawe a McLean he mea whakamahi i tētahi kōtuitui o te kaiwhakaatu, ā, nā ā rātou pūrongo ka mōhio ai ia he aha te aha puta noa te motu. Nā āna mahi hoki ia i tūtaki ai i ngā rangatira Māori, he mea āta tuhi e ia ki roto o ana rātaka, puka tuhipoka hoki. Nō reira kei ngā pepa nei tētahi tino rauemi e whakaatu mai ana i ngā whakawhitiwhitinga i waenga i te Kāwanatanga me te Māori o taua wā nei.

He āhua kaiponu ia ki āna pepa, kāore i āta tukuna ki ngā Pūranga o te Tari Māori, ahakaoa te nui o te pānga ki ngā mahi a te Kāwanatanga. He painga nui mō ngā hitoriana o muri mai. Ko te maha noa o ngā pūrongo a te Tari Māori ka turakingia i te weranga o ngā Whare Pāremata i te tau 1907. He whakakīnga nō ngā pepa a McLean i ētahi o aua whāruarua nei mai i taua ngarotanga.

Kāore anō kia āmatingia ngā pepa katoa a McLean. Ko te mea tuatahi, he whakawātea i ngā rauemi e pā ana ki āna mahi hei kaitōrangapū, hei kaimahi hoki mō te Kāwanatanga. Kāore anō kia whakauruhia i tēnei wā ko ngā pepa e pā ana ki te whakahaere i āna tūmomo rawa whenua, pepa tahua, tīpakohanga nūpepa, me ngā pepa o tana whānau.

Te weranga o pāremata 11 Tīhema 1907.

Nā te mura o te ahi i te tau 1907 i wera ai Ngā Whare Pāremata i Pōneke, me te tini o ngā pūrongo o te Tari Māori o te rautau tekau mā iwa. Nā taua ngarotanga, ka nui atu ai te hiahia ki ngā pepa a McLean.

Te weranga o pāremata 11 Tīhema 1907
1/2-019528-F
Pūranga Whakaahua

Te Wharepukapuka o Alexander Turnbull