Ko te whakaritenga me te hītori kaitiaki o ngā pepa a Donald McLean

Kua whakaritea ngā pepa a Donald McLean hei raupapa, e ai ki ngā tikanga Pūranga. Ko te raupapa he tōpūtanga o te pepamana, he ritenga āhua ōrite o roto, kua waihangatia hei wāhanga pū o tētahi mahinga, he ōrite rānei nō te hōputu.

He mea takoha ngā pepa ki te Wharepukapuka e te whānau i te tau 1950, ā, ko tētahi wāhanga anō he mea hoko i te tau 1960. Kua nui te whakatikatanga e ngā kaimahi o te Wharepukapuka mai i taua rironga tuatahi nei. Heoi anō ko te nuinga o ngā mahi moata kāore i whai i ngā tikanga o ēnei rā, nō reira ka rangahaua anō, ka tautuhitia ngā raupapa, ngā whakarārangitangame ngā whakahōunga hei whakatikatanga mō tēnei kaupapa āmati nei.

He ahakoa te mōhio ko ngā pepa ēnei a Donald McLean, tūturu, he kohikohinga nā te whānau McLean. Kei roto rā ētahi pepa maha a tāna tama a Douglas Maclean (he pēnei te tātaki kupu, ēngari mō te McLean). Ko aua pepa whānau kua whakawehea mai i ērā i waihangatia e McLean, i tukuna rānei ki a ia tonu, ā, kāore ērā i whai wāhi ki roto o tēnei kaupapa āmati.

Ko tētahi kōkiringa moata o te Wharepukapuka, kua whai mana nui ināianei, ko te kaupapa patohanga hōu, nā ngā kaimahi o te Wharepukapuka i tīmata i te wā tonu i tae mai ai ngā pepa. Ko taua wā nei nō mua noa atu o te ngāwari o te kape-tini, pēnei me ēnei rā, ā, ka whakapaua e te Wharepukapuka tōna kaha ki te pato hōutanga o ngā reta me ngā rātaka o ngā mea tōrangapū rongonui. Katoa ka 15,000 pea ngā whārangi o aua patohanga hōu o ngā pepa McLean, puta noa ngā reta reo Ingarihi, pepa mana ōkawa, rātaka hoki. Kua āmatitia aua patohanga hōu, kua honoa ki ngā whakaahua āmati.

I roto i te wā, ka tāngia ki te whitiāhua mōkito. Ko te nuinga o aua tānga i roto i ngā rā moata o te mahi whitiāhua mōkito, nō reira he take kounga kei reira. Heoi anō, i herea te Wharepukapuka kia āmatitia mai i te whitiāhua mōkito, mēnā ka taea, ā, mā te āta whakapai ake, me te whakamātau, kāore he take nui o te mahi anō.

Kua tāpirihia ki aua mahi patopato moata ko ētahi anō (he kounga nui atu anō i ērā kua mahia mai e ngā kaimahi Wharepukapuka o mua) nā Marsha Donaldson, he mahinga ā-tūao, mai i tāna aro atu ki te hitori o te whānau McLean.

Inā hoki, kua tīmata kē tētahi kaupapa anō. Ko ia te E Mā: Ngā Tuhituhinga ki a Makarini , te whakamāoritanga i ngā reta reo Māori ki a McLean. K o ngā kaimahi o te kaupapa nei ko Dr Ngapre Hopa, ko Te Kohu Douglas, me Dr. Jane McRae, nā Ngā Pae O Te Māramatanga te pūtea tautoko.

He mea whaihua mō te wharepukapuka te mahinga ngātahi nei, te take kua kitea e te rōpū E Mā, ko te kaupapa amati a te Wharepukapuka te waka tika tonu hei whakaatu i a rātou mahi, ā ko te hononga o ā rātou whakapākehātanga he tāpiritanga nui ki te ūara ā-rangahau o te kaupapa āmati ā-McLean.

Ko Donald McLean me tōna āhua mārō mai rā anō ca 1870.

Ko Donald McLean me tōna āhua mārō mai rā anō ca 1870.
1/2-103970-F
Pūranga Whakaahua
Te Wharepukapuka o Alexander Turnbull